Category: ការអប់រំ

ខេត្តស្ទឹងត្រែង÷ កាលពីថ្ងៃទី០៧ខែកញ្ញឆ្នាំ២០២១កម្លាំងអាវុធហត្ថខេត្តស្ទឹងត្រែងបានធ្វើការឃាត់ខ្លួនអ្នកសារព័ត៌មានចំនួន១០នាក់ពីបទកំហែងយកទារប្រាក់៤ពាន់ដុល្លារពីអ្នកម្ចាស់ដឹកឈើដែលត្រូវបានសមត្ថកិច្ចចុះប្រតិបត្តការក្នុងហេតុការណ៍បានឲ្យដឹងថាអ្នកសារព័ត៌មានចំនួន១០នាក់បានជិះរថយន្ត៣គ្រឿងធ្វើការឃាត់រថយន្តយីឌុប១គ្រឿងដឹកឈើប្រភេទគ្រឿងផ្ទះនៅលើដងផ្លូវជាតិលេខ៩ស្ថិតត្រង់ចំណុចផ្លូវចូលជាំធំឃុំស្រែឫស្សីស្រុកថាឡាបរិវ៉ាត់ខេត្តស្ទឹងត្រែង។ ប្រភពបន្តថាអ្នកសារព័ត៌មានទាំងនោះមិនមែនជាអ្នកប្រចាំការនៅក្នុងខេត្តស្ទឹងត្រែងទេគឺពួកគេមកពីតាមបណ្ដាខេត្តផ្សេងៗគ្នាដែលបានចុះបំពេញការងារក្នុងភូមិសាស្ត្រខេត្តស្ទឹងត្រែង។លុះដល់ពេលក្រុមអ្នកសាព័ត៌មានជិះរថយន្តប្រទះឃើញរថយន្តដឹកឈើខាងលើ ក៏បានឃាត់និងរាយការណ៍ទៅសមត្ថកិច្ច។ បន្ទាប់មកមន្ត្រីកងរាជអាវុធហត្ថខេត្តស្ទឹងត្រែងក៏បានចុះទៅដល់ទីតាំង ដែលរថយន្តក្រុមអ្នកសារព័ត៌មានបានឃាត់រថយន្តដឹកឈើបន្ទាប់ពីមន្ត្រីអាវុធហត្ថចុះទៅដល់ទីតាំងស្រាប់តែអ្នកសារព័ត៌មានទាំងនោះក៏បាននាំគ្នាបើករថយន្តចេញអស់។ ខណ:ពេលនោះ អ្នកដឹកឈើក៏បានប្ដឹងចោទប្រកាន់ក្រុមអ្នកសារព័ត៌មានពីបទ កំហែងយកទារប្រាក់ចំនួន ៤០០០ដុល្លារ ចំណុចនេះគួរពិចារណាសិនកុំទាន់ដាក់បន្ទុកលេីអ្នកសារព៍ត៌មានភ្លាមៗ( ម្ខាងបទល្មេីប្តឹង)( ម្ខាងអ្នកសារព៍ត៌មាន) តេីរឿងនេះពិតឬមិនពិតទុកនាទីលេីសមត្ថកិច្ចជាអ្នកសេីបអង្កេតដេីម្បីរកយុត្តិធម៍។ ក្រោយពីមានពាក្យបណ្ដឹងពីអ្នកដឹកឈើកម្លាំងកងរាជអាវុធហត្ថខេត្ត ក៏បានឃាត់រថយន្តកាមរីពណ៌ក្រហមមួយគ្រឿងនិងរថយន្ត ២គ្រឿងទៀតត្រូវកងរាជអាវុធហត្ថស្រុកឆែបខេត្តព្រះវិហារឃាត់បញ្ជូនមកខេត្តស្ទឹងត្រែង។ អ្នកសារព័ត៌មានចំនួន១១នាក់ត្រូវបានសមត្ថកិច្ចឃាត់ខ្លួន១០នាក់ហើយម្នាក់ទៀតត្រូវបានគេចខ្លួន។ ប្រភពបញ្ជាក់ថារថយន្តដឹកឈើខាងលើនោះមានទិសដៅចេញពីភូមិស្រឡៅ ឃុំអន្លង់ជ្រៃស្រុកថាឡាបរិវ៉ាត់ខេត្តស្ទឹងត្រែង ឆ្ពោះទៅកាន់ភូមិតារេនជោ ឃុំអង្កាញ់ ស្រុកទ្រាំង ខេត្តតាកែវ ដោយមានការអនុញ្ញាតពីជំនាញផ្នែករដ្ឋបាលព្រៃឈើស្រុកថាឡាបរិវ៉ាត់ ដើម្បីយកទៅសាងសង់លំនៅដ្ឋាននៅខេត្តតាកែវ។ ទោះបីយ៉ាងណាករណីនេះ សមត្ថកិច្ចមិនទាន់បញ្ជាក់ថា ក្រុមអ្នកសារព័ត៌មានខាងលើ នឹងត្រូវដោះលែងឬបញ្ជូនទៅតុលាការនោះទេត្បិតអីតែកំពុងធ្វើការសាកសួរនៅឡើយ។ព័ត៍មានបឋម

រថយន្តកុងតីន័រមួយគ្រឿងបើកបុកបង្គោលភ្លើងនឹងរបាំងថ្មពុះចែកទ្រូងផ្លូវបាក់អស់់មួយកង់នឹងពីកង់ទៀតរបើកចេញពីជួររងការខូចខាតយ៉ាងដំណំ… ភ្នំពេញ÷បុរសម្នាក់បើករថយន្តងោកមួយភាំងរេចង្កូតទៅបុកបង្គោលភ្លើងហើយនឹងរបាំងថ្មពុះចែកទ្រូងផ្លូវបណ្ដាលឲ្យរងការខូចខាតយ៉ាងដំណំ ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៤នឹង៣៥នាទីល្ងាច ថ្ងៃទី០៥ ខែកញ្ញា ឆ្នាំ២០២១នេះ សិ្ថតតាមបណ្ដោយផ្លូវជាតិលេខ៥ ក្នុងសង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ ។ យោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថានៅមុនពេលហេតុការណ៍នេះបានកើតឡើង គេបានឃើញបុរសម្នាក់បើករថយន្តធុនធំម៉ាកកុងតីន័រក្បាលពណ៌សលាយខៀវមួយគ្រឿងពាក់ស្លាកលេខភ្នំពេញ3D-0298 បើកធ្វើដំណើរតាមបណ្ដោយផ្លូវជាតិលេខ៥ ក្នុងទិសដៅពីលិចទៅកើត ខណៈពេលមកដល់ត្រង់ចំណុចកើតហេតុខាងលើ សង្ស័យតែតៃកុងងោកមួយភាំង ទើបបណ្ដាលឲ្យរថយន្តរេចង្កូតមកខាងឆ្វេងជ្រុលទើបបុកជាមួយនឹងបង្គោលភ្លើងមួយដើមហើយនឹងរបាំងថ្មពុះចែកទ្រូងផ្លូវរងការខូចខាតយ៉ាងដំណំ តែសំណាងល្អមិនបង្កឲ្យមាននរណាម្នាក់រងការគ្រោះថ្នាក់នៅក្នុងហេតុការណ៍នេះទេ។ ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ដើម្បីត្រួតពិនិត្យមើលរួចរាល់ឃើញថារថយន្តបង្កមានការប៉ះពាល់ទៅដល់បង្គោលភ្លើងនិងរបាំងថ្មពុះចែកទ្រូងផ្លូវដែលជាសម្បត្តិរបស់រដ្ឋទើបទាក់ទងទៅសមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញឲ្យចុះមកធ្វើការវាស់វែងនិងយករថយន្តបង្កទៅរក្សាទុករងចាំតៃកុងឬម្ចាស់ក្រុមហ៊ុនចូលខ្លួនមកដោះស្រាយទៅតាមនិតិវិធីច្បាប់។

សហភាពសហព័ន្ធយុវជនកម្ពុជាស្រុកពេជ្រាដា ចូលរួមសម្របសម្រួលក្នុងយុទ្ធនាការចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋ និង ក្មេងជំទង់នៅស្រុកពេជ្រាដា==========ដើម្បីចូលរួមជំរុញឲ្យការងារចាក់វ៉ាក់សាំងជូនប្រជាពលរដ្ឋដំណើរការទៅរលូននិង សម្រេចតាមផែនការកំណត់របស់រាជរដ្ឋាភិបាល និងជួយសម្រួលដល់ការងាររបស់ក្រុមគ្រូពេទ្យជួរមុខ ក្រុមការងារ ស.ស.យ.កស្រុកពេជ្រាដា សហការជាមួយអាជ្ញាធរមូលដ្ឋាន កងកម្លាំង ក្រុមគ្រូពេទ្យជួរមុខ បានចូលរួមសម្របសម្រួលក្នុងយុទ្ធនាការចាក់វ៉ាក់សាំងជូនប្រជាពលរដ្ឋនៅស្រុកពេជ្រាដា ចំនួន ៣ វគ្គ ដោយក្នុងមួយថ្ងៃៗមានសមាជិក ស.ស.យ.កចូលរួមពី២០នាក់ទៅ៣០នាក់ ។ សម្រាប់វគ្គទី១ ចាក់វ៉ាក់សាំងប្រភេទស៊ីណូវ៉ាក់ ដូសទី១ ដល់ប្រជាពលរដ្ឋមានអាយុចាប់ពី ១៨ ឆ្នាំរហូតដល់ ៦០ ឆ្នាំ ដែលបានប្រព្រឹត្តទៅរយៈពេល ១៤ថ្ងៃ ចាក់បានចំនួន១០,៥៩៣…

អភិបាលខេត្តមណ្ឌលគិរី ចុះពិនិត្យមើលទីតាំងតំបន់បិទខ្ទប់មួយចំនួន នៅស្រុកអូររាំង ដែលប៉ះពាល់ជាមួយអ្នកផ្ទុកជំងឺកូវីដ-១៩……..ខេត្តមណ្ឌលគិរី៖ នារសៀលថ្ងៃទី០១ ខែកញ្ញា ឆ្នាំ២០២១ ឯកឧត្តម ស្វាយ សំអ៊ាង អភិបាលខេត្តមណ្ឌលគិរី អមដំណើរដោយលោកមេបញ្ជាការកងកម្លាំងប្រដាប់អាវុធទាំងបី រួមទាំងថ្នាក់ដឹកនាំមន្ទីរអង្គភាពពាក់ព័ន្ធ និងអាជ្ញាធរស្រុក បានអញ្ជើញចុះពិនិត្យមើលទីតាំងតំបន់បិទខ្ទប់មួយចំនួន នៅក្នុងភូមិសាស្រ្តស្រុកអូររាំង ចំពោះអ្នកដែលប៉ះពាល់ដោយផ្ទាល់ និងប្រយោល ក្នុងករណីរកឃើញវិជ្ជមានជំងឺកូវីដ-១៩ ពាក់ព័ន្ធនឹងព្រឹត្តិការណ៍សហគមន៍ ២០ កុម្ភៈ។ ក្នុងឳកាសចុះពិនិត្យនោះដែរ ឯកឧត្តម ស្វាយ សំអ៊ាង អភិបាលខេត្ត បានណែនាំដល់អាជ្ញាធរស្រុក ឃុំ និងសមត្ថកិច្ចជំនាញ…

អាវុធហត្ថរាជធានីភ្នំពេញ ទទួលបាន ផ្លែមៀនតាង៉ែនចំនួន ៣តោន ដែលជាអំណោយដ៏ថ្លៃថ្លា របស់ សម្ដេចអគ្គមហាសេនាបតី តេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រានី ហ៊ុនសែន! នាល្ងាច ថ្ងៃទី៣១ ខែសីហា ឆ្នាំ២០២១ បញ្ជាការដ្ឋានកងរាជអាវុធហត្ថរាជធានីភ្នំពេញ បានទទួលផ្លែមៀនតាង៉ែនចំនួន ៣តោន ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រានី ហ៊ុនសែន តាមរយៈក្រុមការងារ…